As persoas dependentes teñen acceso ao catálogo de prestación de atención á dependencia de acordo co seu grao de dependencia. Os servizos son prioritarios fronte ás prestacións económicas. Servizos: - Programa de Axuda no Fogar. - Acollemento familiar para a terceira idade - Estadías temporais en residencias públicas (respiro familiar) - Apoio Social para familias con maiores dependentes (respiro familiar) - Termalismo Social IMSERSO - Turismo Social (termal e intercambio) - Turismo Social para emigrantes residentes en América (Volver á terra/casa) - Xuntos no Nadal - Programa de vacacións para persoas maiores do IMSERSO - Bono Social Electricidade - Apoio a colectivos en risco de exclusión e transición á TDT. - Abono Social de Telefónica - Transporte Adaptado: 065 - Apoio á Mobilidade Persoal - Teleasistencia-Telealarma
O Servizo Galego de Apoio á Mobilidade Persoal para ás persoas con discapacidade e/ou persoas en situación de dependencia ten a consideración de servizo de transporte adaptado programado e non urxente para a prestación de servizos puntuais. Este servizo de transporte adaptado e asistido, de carácter gratuíto, ten como finalidade: a) Poñer a disposición das persoas con discapacidade e/ou dependentes que teñan dificultades de mobilidade os medios adecuados as súas necesidades, que lles faciliten dita mobilidade. b) Favorecer o acceso, en condicións de igualdade efectiva, ás persoas con discapacidade e/ou ás persoas en situación de dependencia aos servizos e recursos que faciliten a promoción da súa autonomía persoal así como a súa participación no contorno habitual.
Pretende contribuír a manter ás persoas en situación de dependencia ou discapacidade no seu domicilio e ofertarlle ao seu coidador habitual a posibilidade de dispoñer duns días para o seu descanso, manter a súa vida social, familiar e de ocio ou para solventar situacións de emerxencia que se lle presenten, mentres que a persoa á que coidan é atendida adecuadamente nun centro residencial.
É un programa que pretende facilita-la integración de persoas maiores e persoas con discapacidade no seo dunha familia que, ademais de proporcionarlle un ambiente e trato familiar, atenda as necesidades derivadas da súa avanzada idade e/ou dependencia.
Destinado ás persoas maiores que se atopen soas nestas datas, xa sexa por carencia de familiares ou amigos, a perda do seu cónxuxe ou por outras circunstancias.
.jpg)
