Inícianse os traballos de pavimentación da rúa Alto do Penedo, na Ponte do Porto

13 Xaneiro, 2022

Inícianse os traballos de pavimentación da rúa Alto do Penedo, na Ponte do Porto

• Os traballos, valorados en 125.000 euros, inclúen a demolición do pavimento existente en varios tramos e a execución dun novo.
• Están financiados a través do Plan Único da Deputación da Coruña.
• O prazo de execución dos traballos é de 3 meses.

 

O Concello de Camariñas deu luz verde coa execución da acta de replanteo ao inicio dos traballos do proxecto para a pavimentación da rúa Alto do Penedo, na Ponte do Porto, que conta cun orzamento de 125.000 euros está financiado a través do Plan Único da Deputación da Coruña.

 

As obras permitirán mellorar o firme da rúa, que actualmente se atopa bastante deteriorado. A actuación inclúe o desbroce da vía e a limpeza das marxes, a demolición do pavimento existente en varios tramos e, por último, a execución dun novo de aglomerado asfáltico e adoquín rústico de pedra granítica.

 

O prazo de execución dos traballos é de 3 meses.