A Festa da Palilleira cumpre unha década e celebrará a súa X edición o vindeiro 6 de decembro

16 Outubro, 2024

A Festa da Palilleira cumpre unha década e celebrará a súa X edición o vindeiro 6 de decembro

• Será no pavillón municipal Víctor Vigo e haberá mercadiño de Nadal, chocolatada de balde pola tarde e sorteos.
• Estará organizada polo Concello de Camariñas, a Asociación Puntillas, a Asociación Rendas e a Mostra do Encaixe de Camariñas Deputación da Coruña.

 

A Festa da Palilleira cumpre neste 2024 dez anos de vida, sendo a data escollida para esta celebración tan especial o 6 de decembro no pavillón municipal Víctor Vigo de Camariñas.

 

Organizada polo Concello de Camariñas, a Asociación Puntillas, a Asociación Rendas e a Mostra do Encaixe de Camariñas Deputación da Coruña, contará con sorteos, mercadiño de Nadal e chocolate quente de balde á tardiña. Tamén haberá inchables para os máis pequenos e o comercio local terá o seu propio espazo de vendas.

 

Este evento adoita atraer talento do palillo non só de Galicia, tamén do resto da xeografía española. Na pasada edición máis de 450 palilleiras tanto de Galicia como de distintos lugares como Soria ou Asturias desfrutaron dun evento no que os protagonistas son o son dos palillos, os reencontros e os ánimos de continuar cunha tradición “de dez” na axenda cultural galega.

 

As persoas interesadas en acudir poden contactar coa organización na dirección de correo electrónico dolores.lema@camarinas.net, no teléfono 981 737 004 ou a través de mensaxe de WhatsApp no 653 265 529.