08 Abril, 2025
O Concello de Camariñas recibiu unha subvención dun total de 94.000 euros da Deputación da Coruña a través do programa de financiamento dos Servizos Comunitarios Municipais no ano 2024.
Esta axuda ten o obxectivo de asistir economicamente ás entidades locais na execución das súas competencias en materia de Servizos Sociais comunitarios, subvencionando aos profesionais de distinto perfil neste ámbito.
Así, no caso do Concello de Camariñas, subvencionouse persoal administrativo do grupo C1 ou C2 (18.000 euros), persoal técnico A1 (26.000 euros), persoal técnico A1 (26.000 euros) e persoal auxiliar do SAF de libre concorrencia (24.000 euros).
“Actividade subvencionada pola Deputación da Coruña”