18 Xuño, 2026
O Concello de Camariñas informa á veciñanza sobre unha serie de actualizacións e prazos relativos ás actividades municipais:
1. Incidencia no sorteo da lista de agarda (Segunda quenda) Grazas á advertencia dunha familia, comunicada vía correo electrónico o pasado martes 16 de xuño, detectáronse erros adicionais no sorteo da lista de agarda correspondente á segunda quenda. Desde o Concello queremos pedir sinceras desculpas polas molestias que esta situación puidese ocasionar.
2. Resolución e novo procedemento Para emendar esta incidencia, informamos das seguintes medidas adoptadas:
Novo sorteo: No día de hoxe levarase a cabo un novo sorteo para a lista de agarda da segunda quenda, no que participarán exclusivamente as 20 persoas que non dispoñen de praza neste momento.
Prazas xa adxudicadas: As persoas agraciadas no sorteo celebrado con anterioridade, e ás que xa se lles asignou unha praza, conservarán o seu posto sen verse afectadas por este novo trámite.
Publicación: O resultado do novo sorteo publicarase na páxina web do Concello de Camariñas.
3. Recordatorio de prazos e pagamentos Lémbrase a todas as persoas empadroadas que aínda non remitiron os xustificantes de pagamento da actividade que o prazo máximo para facelo remata o luns 22 de xuño.
O documento debe enviarse indicando obrigatoriamente o número de DNI da persoa pagadora.
4. Renuncias e xestión da lista de agarda No caso de que algunha persoa non poida participar e desexe renunciar á súa praza en calquera das quendas, rogamos que o comunique coa maior brevidade posible. A súa colaboración é fundamental para poder contactar e cederlle a praza ás persoas que se atopan na lista de agarda.
Vías de contacto Para o envío de xustificantes, notificación de renuncias ou comunicación de calquera posible erro detectado nas listaxes, deberán dirixirse ao seguinte enderezo electrónico: ✉️ deportes@camarinas.net
Agradecemos de antemán a súa comprensión e colaboración.
Enlace ao sorteo: Youtube
