18 Setembro, 2026
O Concello de Camariñas iniciou as obras de reparación e conservación dun dos accesos ao Cemiterio dos Ingleses, nun tramo comprendido na Rede Natura 2000. Os traballos contarán cun investimento de 15.000 euros.
Executaranse a través dunha subvención no marco das axudas para estudos e investimentos vencellados á conservación, recuperación e á rehabilitación do patrimonio natural e cultural, así como á sensibilización ecolóxica.
Estas intervencións están cofinanciadas co Fondo Europeo Agrícola de Desenvolvemento Rural (FEADER) no Plan Estratéxico da PAC 2023-2027 en Galicia en réxime de concorrencia competitiva. A empresa adxudicataria é Construcciones Ponciano Nieto.