20 Marzo, 2026
Mariví Santos e Zeltia ao Aire son outros dos nomes que configurarán a pasarela do ArtEncaixe na XXXV Mostra do Encaixe de Camariñas Deputación da Coruña. A primeira deseñará elementos coma bolsos ou tocados, aos que lle aplicará encaixe. A segunda fará o propio con pezas para noiva.
“Para min foi unha gran experiencia participar o pasado ano na Mostra, onde amosar a nosa artesanía nunha pasarela tan relevante e ver ás modelos e aos modelos lucir as túas pezas en movemento fanche sentir orgullosa do que estás facendo. Para min o reto de combinar diferentes disciplinas é conseguir que o encaixe luza aínda máis, dándolle maior importancia á prenda”, asegura Santos.
Pola súa banda, Zeltia sinala que “as miñas pezas hai que velas integradas, coma se fosen o mesmo tipo de traballo. Eu o que fixen para Camariñas é tratalas coma se fosen de bordado ao aire, integrándoas de tal maneira que hai que estar moi atentas para ver esa conxunción, como unha conexión que ten sentido e na que nada sobresae. Vou levar catro pezas para noiva, pero para noiva moi especial, e ata aí podo ler”.
Os horarios nos que poderedes ver os desfiles de ArtEncaixe na pasarela Deputación da Coruña son: