Actualidade

Inicio • •

01 Febreiro, 2022

O Concello destina 71.000 euros á construción dunha senda peonil na pista de Lingunde

Esta actuación está financiada a través do Plan Único 2022 da Deputación da Coruña.
Ademais da senda, que se desenvolverá na marxe esquerda da vía, mellorarase o pavimento da calzada, instalarase a canalización de pluviais e pintaranse tres pasos de peóns.

31 Xaneiro, 2022

O Concello constata que a Asociación de Empresarios pode seguir ocupando o Faro Vilán e asumirá os gastos que ocasione a volta do material retirado

Sandra Insua púxose en contacto coa Autoridad Portuaria, que lle comunicou que fora simplemente un problema burocrático.
A rexedora tamén porá, se é necesario, operarios municipais á súa disposición para realizar o traslado.
“A actividade que realiza a Asociación de Empresarios no Faro é vital para Camariñas, solicitei unha entrevista co presidente da Autoridade Portuaria para pedirlle que rebaixe a taxa trimestral que cobra por usar as instalacións”, destaca.

31 Xaneiro, 2022

Emprego e Desenvolvemento local

Entrega dos vales de 40 euros aos 10 gañadores do sorteo de Nadal da plataforma online "Mercamariñas"

Por cada compra realizada en decembro nos establecementos adheridos a esta tenda en liña entrábase nun sorteo de 10 vales de 40 euros para gastar en calquera local de hostalería do municipio.
Actualmente a plataforma conta con máis de 1.300 produtos.

24 Xaneiro, 2022

Camariñas destina 321.000 euros do Plan Único a ampliar o SAF, construír sendas peonís, gasto corrente e redución de débeda

O goberno local levará este venres a pleno a proposta para a súa aprobación.
As obras que se acometerán son a construción dunha senda peonil a Lingunde e outra en Rociñas-Carrofeito, Camelle.
No Plan Complementario incluíronse seis proxectos que suman 287.576,48 euros.

21 Xaneiro, 2022

E ti, encaixas no paraíso?

"E ti, encaixas no paraíso?", o chamamento da XXXI Mostra do Encaixe para dar a coñecer Camariñas máis aló da artesanía

Unha tradición milenaria e unha natureza fermosa e impoñente, a aposta da trixésimo primeira edición da Mostra, que foi presentada hoxe ao público en FITUR, no stand de Turespaña.
No vídeo promocional faise un percorrido desde a Virxe do Monte, lugar onde se atopa o paraíso, ata a duna rampante do areal de Trece, imaxe do cartel da Mostra.
Sandra Insua animou ao visitante a que “nos visite durante Semana Santa, asista á Mostra do Encaixe e aproveite para coñecer o fermoso patrimonio co que conta Camariñas, estou segura de que volverá”.
Ainhoa Toba, voluntaria da Mostra, é a protagonista do vídeo e tamén do cartel promocional que se proxectou toda a semana nas pantallas de Callao e da Gran Vía.

20 Xaneiro, 2022

As vistas do areal do Trece desde a duna de Monte Branco chegan ao centro de Madrid da man da XXXI Mostra do Encaixe

O Concello contratou unha inserción publicitaria para promocionar o evento durante toda a semana nas grandes pantallas de Callao e Gran Vía.
A protagonista deste cartel, que non é o oficial, é Ainhoa Toba, voluntaria da Mostra do Encaixe.

19 Xaneiro, 2022

XXXI Mostra do Encaixe de Camariñas Deputación da Coruña en FITUR

15:00 – Presentación da XXXI Mostra do Encaixe de Camariñas Deputación da Coruña en FITUR, Madrid

17 Xaneiro, 2022

Concello, Balonmán Camariñas e Federación Galega únense para fomentar o balonmán na Costa da Morte

A reunión tamén serviu como presentación da nova estrutura do Club Balonmán Camariñas, coa nova coordinadora xeral, Nerea López, ao fronte.

13 Xaneiro, 2022

Inícianse os traballos de pavimentación da rúa Alto do Penedo, na Ponte do Porto

Os traballos, valorados en 125.000 euros, inclúen a demolición do pavimento existente en varios tramos e a execución dun novo.
Están financiados a través do Plan Único da Deputación da Coruña.
O prazo de execución dos traballos é de 3 meses.

13 Xaneiro, 2022

Emprego e Desenvolvemento local

PROBAS DE ACCESO AOS CICLOS FORMATIVOS DE GRAO MEDIO E GRAO SUPERIOR DE FORMACIÓN PROFESIONAL 2022

A Xunta de Galicia, a través da Consellería de Cultura, Educación e Universidade, publicou no DOG (Diario Oficial de Galicia) do 12 de xaneiro as probas de acceso aos ciclos formativos de grao medio e de grao superior de formación profesional do sistema educativo para o ano 2022.

1 2 ...11 12 1314 15 ...17 18