Actualidade

Inicio • •

04 Outubro, 2022

Emprego e Desenvolvemento local

Axudas obtención permisos condución clases B, C e D dirixidas a persoas inscritas no Sistema nacional de garantía xuvenil en Galicia

A Consellería de Política Social e Xuventude vén de convocar, no Diario Oficial de Galicia (DOG) do 28 de setembro de 2022, as bases reguladoras para facilitar a obtención dos permisos de condución clases B, C e D á mocidade galega, dirixidas ás persoais inscritas no Sistema nacional de garantía xuvenil no ámbito da Comunidade Autónoma de Galicia.

04 Outubro, 2022

Emprego e Desenvolvemento local

AXUDAS PARA OS PERMISOS DE CONDUCIÓN CLASES B, C e D

AXUDAS: carné B de Coche: 400 €, carné C de camión: 650 € e carné D de autobús: 1.300 €

03 Outubro, 2022

O Concello

O Encaixe e os Ourives rubrican unha mutua colaboración de cara a difundir a cultura, o turismo e a artesanía de ambos colectivos identitarios

A sinatura do convenio tivo lugar esta mañá no pazo de Fonseca, en Santiago de Compostela, entre a alcaldesa de Camariñas, Sandra Insua, e Arturo Ouro Hortas, presidente da Asociación de Artesáns e Comerciantes “Ourives de Compostela”.

03 Outubro, 2022

O Concello

Distintivo categoría de prata rede galega de praias sen fume

O Concello de Camariñas recibiu o distintivo de membro da categoría de Prata da rede galega de praias sen fume por ter declarado, como mínimo, o 50% dos nosos areais sen fume. Os areais que contan con este distintivo son: Lingunde, Camelle, Ariño e Arou.

03 Outubro, 2022

O Concello

Camariñas devolve a visita á vila irmá francesa de La Turballe

A alcaldesa, Sandra Insua, e as concelleiras Encarna Liñeiro e Begoña Tajes desprazaronse ata a localidade francesa.
Nos últimos meses varias persoas de La Turballe viaxaron, en bicicleta e en barcos de vela, a Camariñas.

03 Outubro, 2022

O Concello

Fotos andaina ataxia

Ao redor de 200 persoas saíron hoxe, domingo 25 de setembro, á rúa para facer unha andaina solidaria e así recadar fondos para loitar contra a ataxia, unha enfermidade rara caracterizada pola falta de coordinación nos movementos.

O percorrido comezou na zona do paseo fluvial, atravesando parte da Ruta dos Muíños, na Ponte do Porto. Ao final houbo un picoteo, actuacións musicais e inchábeis para os máis pequenos.

03 Outubro, 2022

O Concello

O escritor Pedro Martínez presentará no Faro Vilán a súa novela “Cuando aprendí a vivir”, sobre o Camiño dos Faros

O acto terá lugar o xoves 6 de outubro ás 18 horas e tamén participará a alcaldesa de Camariñas, Sandra Insua.
A entrada será libre ata completar aforo.

03 Outubro, 2022

O Concello

Camariñas organiza a “Danza rosa” para conmemorar o Día Internacional contra o Cancro de Mama

A acción terá lugar o sábado 22 de outubro cunha andaina a partir das 16 horas e, posteriormente, parada na Casa de Pedra para asistir a unha charla do doutor Francisco J. Blanco.
As persoas interesadas na camiseta do evento poderán recollela no Concello cun donativo de 5 euros que irá a parar á Asociación Española Contra el Cáncer.

03 Outubro, 2022

Deportes

Camariñas celebrará este domingo “Día do deporte na rúa”

A actividade está dirixida a todas as familias que queiran desfrutar dunha xornada lúdico festiva.
Os rapaces e rapazas poderán practicar ciclismo, fútbol, balonmán, judo, xadrez e tenis de mesa así como circuítos de seguridade viaria e demostracións de primeiros auxilios.

03 Outubro, 2022

Deportes

Andaina solidaria pola Ataxia

Este domingo saimos a rúa para facer unha andaina solidaria e así recadar fondos para loitar contra a ataxia, unha enfermidade rara caracterizada pola falta de coordinación nos movementos.

O percorrido comezará na zona do paseo fluvial, atravesando parte da Ruta dos Muíños, na Ponte do Porto. Ao final haberá un picoteo, actuacións musicais e inchábeis para os máis pequenos.

Podes sumarte á andaina e colaborar co teu donativo solidario de 5€ en: http://www.inscribirme.com/ataxia

1 2 ...32 33 3435 36 ...52 53